செருப்புஇடைச் சிறுபரல் அன்னன்; கணைக்கால்,

அவ்வயிற்று அகன்ற மார்பின், பைங்கண்,

குச்சின் நிரைத்த குரூஉமயிர் மோவாய்ச்,

செவிஇறந்து தாழ்தரும் கவுளன், வில்லொடு,

யார்கொலோ, அளியன் தானே? தேரின் . . . .

ஊர்பெரிது இகந்தன்றும் இலனே; அரண்எனக்

காடுகைக் கொண்டன்றும், இலனே; காலைப்,

புல்லார் இனநிரை செல்புறம் நோக்கிக்,

கையின் சுட்டிப் பைஎன எண்ணிச்,

சிலையின் மாற்றி யோனே; அவைதாம் . . . .

மிகப்பல ஆயினும், என்னாம் - எனைத்தும்

வெண்கோள் தோன்றாக் குழிசியொடு,

நாள்உறை மத்தொலி கேளா தோனே?