மண்டிலம் மழுக, மலை நிறம் கிளர,

வண்டினம் மலர் பாய்ந்து ஊத, மீமிசைக்

கண்டற் கானல் குருகினம் ஒலிப்ப,

திரை பாடு அவிய, திமில் தொழில் மறப்ப,

கரை ஆடு அலவன் அளைவயின் செறிய, . . . .

செக்கர் தோன்ற, துணை புணர் அன்றில்

எக்கர்ப் பெண்ணை அக மடல் சேர,

கழி மலர் கமழ் முகம் கரப்ப, பொழில் மனைப்

புன்னை நறு வீ பொன் நிறம் கொளாஅ,

எல்லை பைப்பயக் கழிப்பி, எல் உற, . . . .

யாங்கு ஆகுவல்கொல் யானே? நீங்காது,

முது மரத்து உறையும் முரவு வாய் முது புள்

கதுமெனக் குழறும், கழுது வழங்கு, அரை நாள்,

நெஞ்சு நெகிழ் பருவரல் செய்த

அன்பிலாளன் அறிவு நயந்தேனே . . . .