வாள் வரி வயமான் கோள் உகிர் அன்ன

செம் முகை அவிழ்ந்த முள் முதிர் முருக்கின்

சிதரல் செம்மல் தாஅய், மதர் எழில்

மாண் இழை மகளிர் பூணுடை முலையின்

முகை பிணி அவிழ்ந்த கோங்கமொடு அசைஇ, நனை . . . .

அதிரல் பரந்த அம் தண் பாதிரி

உதிர்வீ அம் சினை தாஅய், எதிர் வீ

மராஅ மலரொடு விராஅய், பராஅம்

அணங்குடை நகரின் மணந்த பூவின்

நன்றே, கானம்; நயவரும் அம்ம; . . . .

கண்டிசின் வாழியோ குறுமகள்! நுந்தை

அடு களம் பாய்ந்த தொடி சிதை மருப்பின்,

பிடி மிடை, களிற்றின் தோன்றும்

குறு நெடுந் துணைய குன்றமும் உடைத்தே!