கொடுந் தாள் முதலையொடு கோட்டுமீன் வழங்கும்

இருங் கழி இட்டுச் சுரம் நீந்தி, இரவின்

வந்தோய் மன்ற தண் கடற் சேர்ப்ப!

நினக்கு எவன் அரியமோ, யாமே? எந்தை

புணர் திரைப் பரப்பகம் துழைஇத் தந்த . . . .

பல் மீன் உணங்கற் படுபுள் ஓப்புதும்

முண்டகம் கலித்த முதுநீர் அடைகரை

ஒண் பல் மலர கவட்டு இலை அடும்பின்

செங் கேழ் மென் கொடி ஆழி அறுப்ப,

இன மணிப் புரவி நெடுந் தேர் கடைஇ . . . .

மின் இலைப் பொலிந்த விளங்கு இணர் அவிழ் பொன்

தண் நறும் பைந் தாது உறைக்கும்

புன்னைஅம் கானல், பகல் வந்தீமே!