சுடர் சினம் தணிந்து குன்றம் சேர,

நிறை பறைக் குருகினம் விசும்பு உகந்து ஒழுக,

எல்லை பைபயக் கழிப்பி, முல்லை

அரும்பு வாய் அவிழும் பெரும் புன் மாலை

இன்றும் வருவது ஆயின், நன்றும் . . . .

அறியேன் வாழி - தோழி! - அறியேன்,

ஞெமை ஓங்கு உயர் வரை இமையத்து உச்சி,

வாஅன் இழிதரும் வயங்கு வெள் அருவிக்

கங்கைஅம் பேர் யாற்றுக் கரை இறந்து இழிதரும்

சிறை அடு கடும் புனல் அன்ன, என் . . . .

நிறை அடு காமம் நீந்துமாறே.