தட மருப்பு எருமை மட நடைக் குழவி

தூண் தொறும் யாத்த காண்தகு நல் இல்,

கொடுங் குழை பெய்த செழுஞ் செய் பேதை

சிறு தாழ் செறித்த மெல் விரல் சேப்ப,

வாளை ஈர்ந் தடி வல்லிதின் வகைஇ, . . . .

புகை உண்டு அமர்த்த கண்ணள், தகை பெறப்

பிறை நுதல் பொறித்த சிறு நுண் பல் வியர்

அம் துகில் தலையில் துடையினள், நப் புலந்து,

அட்டிலோளே அம் மா அரிவை-

எமக்கே வருகதில் விருந்தே! சிவப்பாள் அன்று, . . . .

சிறு முள் எயிறு தோன்ற

முறுவல் கொண்ட முகம் காண்கம்மே.