பெருங் கடற் பரப்பில் சேயிறா நடுங்க,

கொடுந் தொழில் முகந்த செங் கோல் அவ் வலை

நெடுந் திமில் தொழிலொடு வைகிய தந்தைக்கு,

உப்பு நொடை நெல்லின் மூரல் வெண் சோறு

அயிலை துழந்த அம் புளிச் சொரிந்து . . . .

கொழுமீன் தடியொடு குறுமகள் கொடுக்கும்

திண் தேர்ப் பொறையன் தொண்டி அன்ன எம்

ஒண் தொடி ஞெமுக்கா தீமோ தெய்ய;

'ஊதை ஈட்டிய உயர் மணல் அடைகரை,

கோதை ஆயமொடு வண்டல் தைஇ . . . .

ஓரை ஆடினும் உயங்கும் நின் ஒளி' எனக்

கொன்னும் சிவப்போள் காணின், வென் வேற்

கொற்றச் சோழர் குடந்தை வைத்த

நாடு தரு நிதியினும் செறிய

அருங் கடிப் படுக்குவள், அறன் இல் யாயே . . . .